🌹田園休閑風限定主題晚餐♥️
-
依間餐廳之前試過佢哋嘅semi lunch，個沙律吧真係不錯~ 最近由K11搬去iSquare重新開張，今次終於有機會襯試下！店內同樣以木系為主，加上自家種植綠色植物擺設，營造外野田園嘅感覺🌿 而今次感興趣就係佢哋同@gulsha_official_hk 乘聯新推嘅玫瑰系列菜式，造型啱哂打卡✨ 而且仲送純玫瑰活肌水，可以當爽膚/定妝用，又有得食又有得護膚，一舉兩得😎
-
煙三文魚紅菜頭花沙律 ($148) 用上三文魚，紅菜頭 以及牛油果砌成一朵朵玫瑰花，下面鋪上沙律菜，色彩鮮艷，食個沙律都開心啲🥗
*
芝士蘑菇雞翼 ($98) 一共4隻，無骨食得方便之餘入面仲有芝士蘑菇餡料！輕微拉到下絲，外皮焦香甜甜哋，肉質嫩滑，不錯
*
蟹肉露荀闊意大利麵配忌廉汁 ($158) 餐牌上意大利飯同麵嘅選擇都唔少，而依款係用上闊身嘅意大利粉，表面沾滿醬汁，有少量蟹肉絲同露荀，整體一般，鮮味不太足夠🦀
*
玫瑰紅茶慕絲蛋糕 ($98) 見到依個甜品立刻少女心大爆發😍 粉紅珠光色玫瑰花造型之外仲有新鮮花瓣襯托，打卡呃like冇難道！外層係莓果慕絲，而入面有一層薄薄嘅果醬同玫瑰紅茶海綿蛋糕。略嫌欠缺茶味，隱約有嗰花香，但就過於濕潤
*
玫瑰烏龍茶($68) 飲落有玫瑰嘅清香，面層有薄薄一層奶泡，無添加任何糖，所以主要品嘗返個茶味，但價錢略進取
*
*gülsha x Something Wild 限定優惠*
由現在起至11月15日，凡於野玩田店晚市點選以上「玫瑰系列🌹」任何2款食品或飲品 (當中包括最少一款食品)，即可獲得gülsha 晨露純玫瑰活肌水 20ml一份（價值：$55），數量有限，送完即止。
-
野玩田店 (尖沙咀)
尖沙咀彌敦道63號iSQUARE國際廣場3樓307號舖
Search